Притисоци врз партијата на Македонците во Грција „Виножито“
10 декември, 2003
 |
Извор: А1 Телевизија
Виножито единствената политичка партија на Македонците во Грција на два пати го одлагаше партискиот конгрес во градот Воден. Причина -
притисоците и заканите од националистичките и ултрарадикалните грчки групи кон сопствениците на салите каде требало да се одржи конгресот
на Виножито.
Најпрвин бил запален автомобилот на сопственикот на хотелот Ксенија, каде за 30. ноември бил закажан конгресот, а непознати сторители се
обиделе и да го запалат хотелот. Конгресот бил презакажан за 7. декември за салата Александар Велики, но поради телефонски закани за напади
во Воден бил откажан.
И двата конгресни дена грчките националисти протестирале во Воден.
„Околу 120-130 души дојдоа да протестираат во Воден, го повикуваа населението да им се приклучи но тоа не се случи“, вели Наце Парисис, член
на „Виножито“
Претставници на европската слободна алијанса каде членка е Виножито, побарале од грчкиот премиер Костас Симитис и неговата влада да преземе
соодветни безбедносни мерки, но тоа не се случило.
„Ниедна партија или асоцијација не ги осуди ваквите настани“, додаде Парисис.
Раководството на Виножито не се откажува од партискиот конгрес, а очекува и подршка и од институциите на република Македонија.
|
|
|
|
